di Adriano Canonico

“ 28 febbraio 2008 “

O VINTOTTU RI FEBBRAIU RO RUMILAEOTTU
A R AVULA SI RISSI VERAMENTI RI TUTTU
RI N’INCIDENTI CA CI AVIA SCAPPATU LU MOTTU
E RI QUATTRU FAMIGNI CA ERUNU RI LUTTU.

ERUNU LI SEI RI MATINA
E STAPIUMU ENNU TUTTI A TRAVAGGHIARI
QUANNU NDA NA TRAVESSA RI JADDINA
VIRU NA MACHINA PUTENTI ATTRAVIRSARI.

SIGNURI MIU RISSI NDA LA MENTI MIA
MENTRI L’AMICU RAVANTI RI BOTTU LU PIGGHIAIA
SCIVULANNU RAPIDAMENTI NDA L’AUTRA CURSIA
E CU NU FURGUNI VELOCEMENTI SI SCUNTRAIA.

NDA LU FRATTEMPU L’OCCHI E LA VITA MIA
RI COPPU VISTUNU CA LA PUTENTI MACHINA RI GODDU MA ARRIVAIA
UCI SGRIGNIA E TANTU CHIANTU SI SINTIA
E LU MIRACULU CA PIANU PIANU NA ACCARIZZAIA.

SCINNU RI LA ME MACHINA CU LI ME PERI
E RI NA VUCI LAMINTUSA MI SENTU CIAMARI
CICCANNU RI CAPIRI CU C’ERA A MENZU LI LAMERI
PICCHI’ NDA LA FACCI NUN SI PUTIA TALIARI .

VI LU NMAGGINATI COMU MI NTISI RI BOTTU
QUANNU L’AMICU LU VISTI TUTTU RUTTU
CIAMAI SUBUTU LU CENTURICIAROTTU
RICENNUCI PRESTU VINITI SUBBUTU.

RECI MINUTI NUN PASSARU
CA PURU LI CARABBINERI VINERU
ADDUMARUNU FORTI LU SO’ FARU
E COSTATANNU CA TUTTU ERA VERU.

TRA DUMANNI E SPIEGAZIONI
ARRIVAINU NMARI RI CRISTIANI
E CICCANNU MILLI NFURMAZIONI
ARRISTAINU TUTTI SANI SANI.

VIRENNU LI MACHINI E L’INCIDENTI
PARIA NA COSA ALLUCINANTI
CA NUN CI AVIA SCAPPATU LU MOTTU VERAMENTI
LU PO’ SAPIRI DIU E TUTTI LI SANTI.

NFATTI NDA LU PAISI SUBBUTU SI VO’ SENTI
CA AVIUNU MURUTU TUTTI QUANTI
VU NMAGGINATI LU CIANTU DI LA GENTI
NDA LU SAPIRI STA’ NUTIZIA ASSAI NPURTANTI.

TELEFONATI RI TANTI AMICI IMMENZAMENTI
CU LI PARENTI E LI COLLEGHI TUTTI QUANTI
SINNUCU, ASSISSURA , CUNSIGNERI E PRESIDENTI
ASSEMI A LI VIGILI CA SI FACIUNU SEMPRI AVANTI.,

MENTRI ME FRATI MI FACIA CURAGGHIU VERAMENTI
NUN VIRIA L’URA RI ABBRAZZARI TUTTI QUANTI
CU TUTTU LU CORI E SINCERAMENTI
VI VULIA A TUTTI SUBBUTU RI RAVANTI.

ORA CU SINTIMENTI ASSAI VERI
LU SIGNURI E LI SANTI VOGGHIU RINGRAZIARI
ABBRAZZANNUMI ME FIGGHIU E ME MUGGHERI
CA’ ASSEMI A LI MEI SUNU RICCHIZZA ASSAI RARI.

CHISTI SU’ MUMENTI TROPPU IMPORTANTI
CA NDA LA VITA AVVOLTI NUN SA’ SPETTA
VI RINGRAZIU RI CORI A TUTTI QUANTI
MA CHISTA NUN ERA NA’ BARZILETTA !!!

Avola li, 28-02-2008.
Adriano Canonico

Leggi il resto...



Auguri di buona Pasqua da AvolaBlog.

Leggi il resto...